Коомдук жайда түкүрүп, тамеки чеккен милиция кызматкери айып пулга жыгылат

Коомдук жайда түкүрүп, тамеки чеккен милиция кызматкери айып пулга жыгылат. Бул тууралуу Чүй облустук ИИББинен билдиришти.

Эскерте кетсек, 8-январда социалдык тармактарда ички иштер органдарынын формасын кийген кызматкер коомдук жайда түкүрүп, тамеки чегип жатканы тартылган тасма тараган.

Бул тасма боюнча Чүй облустук ИИББ ички иликтөө жүргүзүп, милиционердин өздүгү такталган. Ал Чүй облустук Ички иштер башкы башкармалыгынын старшина наамындагы кызматкери М.М. болуп чыккан.

Бардык чогулган материалдар Аламүдүн районунун Лебединовка айыл өкмөтүнө тиешелүү чечим кабыл алууга жөнөтүлдү.